Pelo potsane ea golegwa � Markos

Markos o buile jalo ka Tshipi kwa tirelong ya phitlho ya ga mme Lizzy Kebontshitswe wa dingwaga tse di masome a mabedi le boferabobedi (28) yo a bolailweng ke mokapelo wa gagwe, Obusitswe Baatshwana (27) ka go mo keteka beke ee fetileng. Moswi o ne a ragosediwa kwa sepateleng sa Letsholathebe II kwa dingaka di neng tsa rurifatsa fa a tlhokafetse. O tlogela bana ba le bararo, mosimane le basetsana ba le babedi. Mmelaelwa o disa poo a letile tsheko mme otla itshupa gape kgwedi eno ele lesome le bone.

Ya re a ntsha kgakololo, Markos a re, “Borre pelo potsane ea golegwa, tlogelang go nna dipelo di maswe mo basading,” mme a tswelela a gwetlha borre go kopa dikgakololo fa ba na le mathata go na le go itseela ditshwetso tsa go bolaya bakapelo ba bone. A re go bolaya ga go rarabolole mathata e bile go a okeletsa kwa pele, a tlatsa ka gore ga go supe fa motho e le monna wa popota.