Palapye o segile tema

Kgotla e ne e tletse e penologa ka bana, bagolo le bagodi ba ba neng ba tsabakela ka mebala ya lefatshe leno. Faa amogela morafe, Mothusakgosi wa Palapye, Michael Maforaga, a tlhalosa fa banni ba motse oo ba tshwanelwa ke go ipela thata ka jaana o le sekao sa kgolo ya Botswana fa esale ka boipuso ka 1966.

Maforaga o ne a busetsa morafe kwa dingwageng tsa 1966. Are ka nako eo go ne gona le bathobasweu bale matlhano fela mo Palapye ba ba neng ba simolodisa mokgatlho wa Boys Scout oo ba godisitseng thata fa ba sale basimanyana.