Motaki o lela ka bogodu

Zanakana yo gape eleng mong wa kompone ya Okavango Plastic Printers mo Maun, a re kgwebo ya gagwe e a e simolotseng ka lemmenyana la pata ya gagwe, ea nametsa fela thata. Are kgwetlhokgolo ke bogodu jwa dithoto jo bo tsereng phekelo e sele. A re bajanala le bone ba feletsa ba utswelwa ka dinako dingwe.

Zakanaka a re o dira thata dikipara  tse di tshwantshitsweng diphologolo tsa naga, mebepe ya kgaolo ya makgobokgobo a Okavango, Botswana le Aferika. O tladitse ka gore dikipara tsa gagwe di rekwa thata ke bajanala ba bathobasweu ba gantsi ba etelang bojanala jwa Nhabe le makgobokgobo.