Mosadi thari ya setshaba - Goya

Faa bua mo phuthegong ee neng e rulagantswe ke lephata la Gender Affairs mo Palapye bosheng, Goya o ne a gatelela ntlha ya gore go nonotsha bomme ke go nonotsha setshaba. Are bomme ke bone ba ba amilweng thata ke lehuma le letlhoko la ditiro mo Botswana. Ka jalo are ba tlhoka go nonotshiwa go feta borre.

Goya yo gape eleng mopalamente wa Palapye, are bomme ba feta borre ka dipalo. Ka jalo are fa go ka dirisiwa bonyennyane jwa dithoto tse lefatshe le nang natso go ba nonotsha, setshaba se tlaabo se thusegile.