Morupule Wanderers e nyoretswe diphenyo

Wanderers e e neng e kuelwa thata ebile go solofetswe maduo a mantle mo go yone, ga e ya simolola liki sentle ka jaana e latlhegetswe mo metshamekong ya yone makgetho ale mabedi. Wa ntlha ene ele kgatlhanong le Chobe United le wa BR Highlanders. Ka mafelo a beke are a latelang, Wanderers e ya go mekamekana le FC Satmos kwa Selibe-Phikwe, setlhopha se le sone se simolotseng go itharabologelwa.

Molefhe o tsweletse a tlholosa fa setlhopha sa gaabo se tshameka sentle mathata fela ele go tlhoka lesego la go nosa. Le fa gontse jalo, o ne a supa fa setlhopha sa bone se le magoromasha mo liking eo ka jalo gore se bo se dirile ditso ele gone go dirang gore batho banne le ditsholofelo tse dintsi mo go sone.