Metshameko le itshidilo di tokafatsa botsogo � Olopeng

Olopeng a re ke sone se lephata la gagwe le tsweletseng ka go tsenya madi le ditlamelo mo mananeong a batsayakarolo, tlhabololo le dikgaisanyo tsa metshameko. Tona a re o tiiswa moko le go feta ke tiragatso e ntle ya batshameki ba lefatshe leno ngwaga oo neng o feta ebile a solofela katlego ngwaga ono kwa Rio De Janeiro kwa metshamekong ya Diolimphiki.

O tsweletse ka gore ngwaga oo neng o feta, o ne a itlama gore o tlaa simolola lenaneo la itshidilo mmele lefatshe ka bophara. Lenaneo le le simolotse ka kgwedi ya Phatwe ngwaga ngogola.