Matlhogotshweu konokono-Khama

Khama o buile se ka Mosupologo kwa tshimolodisong ya ditshupegetso le metlobo ya ditso tsa goora Domkraga, mo Gaborone.

Mo moletlong o o neng o tshologetswe ke mangwe a matlhogotshweu a Domkraga Dr. Gaositwe Chiepe le Patrick Balopi, matona mangwe a puso le mapalamente, Khama o boletse fa ka fa tlase ga boeteledipele jwa gagwe le jwa boeteledipele jwa bo Tautona ba pele Sir Seretse Khama, Sir Ketumile Masire le Dr. Festus Mogae, BDP e netefaditse fa puso ya batho ka batho e tsweletse ka go rena mo Botswana.