Masaitseweng a kgolegelo

A re ke ka jalo a boneng go se thona go amogana le Batswana ka dingwe dikgwetlho tse di fitlhelwang mo dikgolegelong. A re o solofela gore bangwe ba tlaa tsiboga le go nna le seabe mo go tokafatseng seemo se.

Thelo a re o simolotse loeto la gagwe la go gotlhagotlhana le molao ka 2008 morago ga go sekela go utswa leruo mme a atlholelwa dingwaga dile lesome, tse tlhano ka go latelana ga tsone mo melatong e mebedi. Le fa go ntse jalo, a re o ne a disa poo dingwaga dile nne le dikgwedi dile borobabobedi, a sena go ikuela kwa kgotleng kgolo ya ditsheko tsa boikuelo.