Malomatsebe a tla sirelediwa-Makgalemele

Mothusa tona wa ofisi ya ga Tautona le Bodirela puso, Phillip Makgalelemele o tlhaloseditse palamente bosheng, gore go fetisiwa ga molao o, go tla tsholetsa lebelo la twantsho tshenyetso setshaba, le go thusa gore tiro ya ba Lephata la twantsho tshenyetso Sechaba (DCEC) e nne bonolo.

Makgalemele o tsweletse ka gore go a itumedisa go bona lefatshe leno le tswelela ka go galalediwa ka tshenyetso setshaba e kwa tlase. A re go ya ka pego ya Lekalana la Global Corruption Barometer, People and Corruption: Africa Survey 2015, Batswana ba dumela fa bangwe ka bone ba palo e kwa tlase (1%) ba ntsha pipa molomo. Makgalemele a re o dumela fa Batswana ebile e le bone ba ka fedisang tshenyetso sechaba.