Makgotla a sepolitiki a moono mongwe

Mopalamente wa Okavango, Bagalatia Arone o boleletse Tona Khama kwa palamenteng bosheng gore fa lephata la gagwe le ka tswelela ka go dira ditshwetso le sa rerisa setshaba le ene tiro ya gagwe ele tona e tla mo ketefalela le go feta.

Arone o ne a akgela mo tshutisong ya tshoganetso e eneng e tsisitswe ke Mopalamente wa Chobe, Ronald Shamukuni. Shamukuni o ne a batlile gore Khama a seegele fa thoko molao o mosha wa go tshwara ditlhapi. Arone a re fa go na le sengwe se Khama a batlang se sekasekwa ka go tshwara ditlhapi,tona o tshwanetse a bua le bone ele mapalamente a dikgaolo tse di amegang.