Mafura a a siametse mebele ya rona

Gore re nne le botsogo jo bo botoka, baitsaanape ba dijo le dikotla tse di siametseng mebele ya rona, ba re gakolola gore re je dijo tse di nang le mafura a a lekanetseng mebele ya rona. Ba re gakolola jalo gore mafura a mantsi a rotloetsa makowa ka go farologana jaaka go nona phetelela le go amiwa ke boletswe jwa sukiri.

Le fa gontse jalo, mmadi wa REMMOGO o tshwanetse a lemoga fa e se mafura otlhe a a leng borai go ka jewa thata. Mo puisanyong ya rona beke eno, a re tlhodumeleng botlhokwa jwa mafura a a bidiwang gotwe Omega-3. A ke mafura a a botlhokwa thata mo mmeleng go jewa mme e bile go botlhokwa go itse gore le yone mebele ya rona e kgona go itirela mafura a go tshwana le a.