Lobala lo tla akanyediwa � Molefhe

Molefhe a re o tlhaloganya matshwenyego a banni ba kgaolo ya Mahalapye ka tota lebala le le sa bolo go nna sebaka le se mo seemong se le ka dirisiwang.

Mopalamente a re kgaolo ya gagwe le yone e batla go ipona e tshegetsa metshameko ya lefatshe jaaka Botswana Games. A re ke ka ntlha eo lebala le le tshwanetseng go fefogelwa gore le tsamaelane le dinako tsa gompieno. Molefhe o tsweletse a re fa pego ya madi a setshaba e sena go tswa, ke gone go tlaa tlhatswegang sentle gore a lebala le le tlaa bona sengwe. “Gone jaana re ka se fopholetse fela” ga bua jalo Molefhe. Fela, o tlatsa ka gore gone o tlhomamisa fa lebala le le mo thulaganyong ya ditlhabologo tsa kgaolo ya borobabobedi.