Legonyana le tlhasetse Peleng

Fela jaaka majalwa a mangwe a tshwana le khadi, legwerepa, mokoko o nchebile, sekipa se ntekane, nyola le a mangwe, Legonyana lo ilediwa go nowa.   Naledi e ne ya tlhotlhoma le lekeishane la Peleng go lekola seemo sa go nowa ga jone.

Toropo ya Lobatse ke boremelelo jwa kgwebo ya nama e itsholelo ya lefatse leno e ikaegileng ka yone ka e rekisiwa kwa mafatsheng a moseja le a mangwe. Ke toropo e gape e tswang kgalala e le boremelelo jwa banni go tswa kwa mafelong a a farologaneng. Bontsi bo abo bo batla ditiro mme bo felele bo sa kgone go thapiwa. Ka jalo bo ineele mo go nweng majalwa a.