Kubetsano e bifela pele kwa Radisele

Banni ba supile fa ba batla go itlhophela moeteledipele wa bone eseng yo ba mo bewang pele. Ya re amogela morafe kwa phuthegong ya Kgotla bosheng, mothusa Kgosi ya Radisele, Christian Ntebele o ne a tlhalosa fa Kgosi Masego Olebile wa Palapye a kopile marara a motse go sekaseka yoo tla tlhatlhamang Kakanyo Botoka le ene Ntebele ka sebele, ka jaana le ene a tloga latlhela ka lebaka la bogodi kgwedi eno e ya fifing.

Ntebele o ne a re Kgosi Olebile o ba tlhaloseditse gore Kakanyo Botoka ga e sa tlhole ele Kgosi ka mabaka a a ka sekeng a a bua. A re ka jalo ba ne ba kopiwa go tla ka maina a mabedi a ba eletsang e ka nna dikgosi.