Kokorwe o kgalwa bobe

Fela, ba BDP ba ganeditse se makgetho a le mmalwa. Mothusatautona, Mokgweetsi Masisi, ke mongwe wa ba ba ganeditseng dipego tse thata segolo bogolo kwa palamenteng. Kokorwe le ene o boletse nako le nako fa a fiwa sebaka, gore ene le mothusi wa gagwe, Kagiso Molatlhegi, ba tsamaisa dipuisanyo tsa palamente sentle ba sa tseye matlhakore.

Molatlhegi ene, Wynter Mmolotsi wa Francistown Borwa, o ne a mo supa ka monwana palamente e e sa tswang go wela, a re o kgoreletsa le go tshosetsa mopalamente wa Letlhakeng/Lephepe, Liakat Kably, go bua. Kably o ne a akgela mo tshutisong e e fetisitsweng ya go oketsa mapalamente a a itlhophetsweng.