Ke eo paseka!

Monongwaga go bonala sentle gore malatsi a tsile ka nako e e siameng thata ka e le mafelo a kgwedi bangwe bogolo jang ba netswe ke pula ya dituelo, fa gape le ene Ramasedi a ne a bula magodimo go nesa dipula tsa letlhogonolo tsa medupe,  eleng seo dibase le terena di emeng sentle go emelela di tletse thii!

Batswana ka go farologana ba boleletse Naledi fa e ntse e okomela mo mkegwatlheng ka Mosupologo go botsa ka malatsi a, gore ga gona sepe se se ka ba kgoreletsang go tsaya maeto, ba re ba itumela thata ka monongwaga malatsi a, a suteletse thata kwa mafelong a kgwedi. Ba bolela fa gantsi kgotsa mo dingwageng tse di fetileng, a ntse a nna bokete le bosula ka a ne a tsena kgwedi e paraletse ba se na madi a go palama go ya mafelong a ba eletsang go ya kwa go one.