Katisang bana ka matsetseleko� Radipotsane

Radipotsane o buile se kwa moletlong wa go abela bakatisi ditlankana gotswa go ba Gardio Football Academy, a bolela fa basimanyana ba ba dingwaga di kwa tlase ba tlhoka bakatisi baba tlhaloganyang dikakanyo tsa bone ebile ba rutetswe bokatisi jwa bana ba ba kalo.

Mokatisi yoo, yo o kileng a tshamekela setlhopha se segolo sa Dipitse dingwaga tsa maloba, ebile ana le maitemogelo a magolo go katisa ditlhopha tse dikgolwane mono gae, o rotloeditse bakatisi go botsolotsa thata ka matshelo a basimanyana baba ba katisang go netefatsa gore ba tshela sentle ebile ba itekanetse go ka tshameka kgwele ya dinao. A re gole gantsi bana ba supa lorato lwa go ka tshameka, ba abetswe mme ba sa bone thotloetso go tswa kwa malwapeng ebile ba bangwe ba tswa mo go a itsholelo e e kwa tlase.