Kankere ya lebele e ka thibelwa

Dr. Pusoentsi o buile se beke e e fetileng kwa bokopanong jo bo neng bo rulagantswe ke lephata la gagwe le lekgotla la twantsho kankere mo  Botswana (CAB). Pusoentsi a re go itlhatlhobela kankere ya lebele go dirwa go lebilwe go tsibogela dipelaelo tse motho a ka tswang ana le tsone mabapi le bolwetsi jo.

Pusoentsi o tsweletse a gakolola Batswana go etela bongaka go dira tlhatlhobo ya seipone ngwaga le ngwaga, a bolela fa bomme ba ba dingwaga tse di masome a mane le botlhano go ya kwa godimo ba rotloediwa go dira tlhatlhobo e. O tsweletse a gakolola gape fa dipatlisiso di supa fa go amusa ka lebele lebaka le leele go ka fokotsa bodiphatsa jwa go tsenwa ke kankere ya lebele, a afa sekai ka sebaka sa ngwaga tse pedi kgotsa go feta sa go amusa.