Jambo o golotse �Ae Khale Koma

Mo potsolotsong le Naledi, Arabang yoo tlwaelesegileng ka leina la Jambo, a re o tswa kgakala a na le lorato mo mminong wa Setswana ebile a rata ngwao. Ke ka jalo a boneng go tshwanela go opela dipina tsa setso. A re gotswa bonnyaneng jwa gagwe e ne ele sebini sa mmino wa setso mme a emisa fa a tsena kwa sekolong sa ithutelo tiro sa Botho University ka ngwaga wa 2008 ka a ne a batla go tlhwaafalela dithuto.

O tlhalositse fa pina ya ‘Ae Khale Koma’ a ne a leka go lemotsha Batswana gore o boile ebile o santse a ka diragatsa thata. A re o ne a gatisa alebamo e ka maikaelelo a go dumedisa Batswana ka yone. Mo pineng ya Banyana, Jambo a re o gakolola bomme ka fa borre ba kgonang go nna maferefere ka teng. A re monna o kgona go itira yo o ratang lekgarebe mme ere a sena go mo imisa a mo phuaganye. A re ka moo pina e leka go gakolola bomme go ikela tlhoko mo seemong sa go iphitlhela ba inaakantse le borre ba ba senang boikarabelo.