Dipolaano di ile magoletsa kwa Maun

Go tlhalositse jalo, Mothusa mookamela sepodisi sa Nhabe, Superintendent John Kelebeng, mo potsolotsong le Naledi.  A re seemo se se tlisa kutlobotlhoko le mahutsana mo go bamalwapa ebile di diragala gantsi fa batho ba sena go tlhoka kutlwisisanyo. A re mo mabakeng a mangwe batho ba itseela matshelo ka ntata ya kutlobotlhoko ee sa laolesegeng.

E re go ntse jalo, Kelebeng o boletse fa ba tlhotlhomisa tiragalo e mo go yone mme mongwe wa dingwaga tse di masome a mabedi le botlhano (25) wa kgotla ya Ntlhayagodimo mo Maun a fitlhetsweng a akgega mo ditlhomesong tsa ntlo ya gagwe. Tiragalo eo e begetswe mapodisi kgwedi eno e roba bongwe ka nako ya borobabobedi mo maitseboeng a letsatsi leo.