Dintsho tsa AIDS di wetse tlase - Makgato

Se se builwe ke Tona wa Lephata la Botsogo, Dorcus Makgato, kwa letsatsing la segopotso sa ntwa kgatlhanong le mogare le bolwetse jwa AIDS kwa Tonota bosheng. Makgato a re e re ka jaana batho ba ba tshelang le mogare wa HIV ba na le seabe se segolo mo go tlhabololeng itsholelo ya lefatshe la Botswana, sebesaphiri ke gore dipalo tsa go amiwa ke mogare ga batho ba ba senang nao di tsweletse ka go gola.

“Ke tshwenngwa gape ke gore Batswana ba santse ba goga dinao mo go itlhatlhobeleng mogare wa HIV ka seemo sa lesome le motso mo lekgolong (11%). Gape, seemo sa kanamo ya mogare se kwa go bobedi le sephatlo (2.5%).