Gaborone o tlhalosistse fa Ntlo ya Dikgosi ele leloko le le fang dikgakololo ka Dikgang dipe fela tsa goromente kana ntlo ya palamente e di tlisang. Dikgakololo tse NYD e di fileng, di isiwa kwa palamenteng mme di felele di buiwe teng. Le fa sengwe se ka nna bontle jang, phetogo le dikgwetlho ga nke di tlhokafala. Kgosi Gaborone a re ba eletsa go tokafatsa dilo dingwe mo ntlong ya bone. A re ba eletsa gore ba apare dilo tsa setso ebile tumelo ya gagwe ke gore mo dingwageng ba tla apara setso ka ebile basegi ba malatsiano ba sega dilo tse dintle tse ba ka bonang ba ikgantsha ka tsone go tlotlomatsa setso. Kgosi Gaborone a re se gape ba se eletsang ke gore NYD e nne le dikomiti tsa yone tse di katolositsweng tse di tla tsamayang metse le metsana di ruta sechaba ka NYD. Mabapi le kgang e, Gaborone a tlhalosa fa ba nale dikgwetlho. A re go thata gore ba ka gasa Dikgang tse di tsewang tsa ntlo ya dikgosi ka jaana madi a le ko tlase a sa ba lete. Gape Kgosi e tlhalositse fa beke tse pedi tse tsa phuthego a sa lekana ebile o eletsa ba ne ba ka fiwa beke tse tharo . A tswelela a bua gore ka NYD e sa ikemela ka nosi, ba nale dikgwetlho ka tiro, ka ba sa kgone go itseela ditshwetso ka bonosi.
Mo bokhutlong, Kgosi o ne a latlhela kgang ya go rolwa marapo ke puso ga Kgosikgolo ya Bakgatla Kgafela Kgafela II. A bua gore kgang ya Bakgatla ba ga Kgafela e a mo ama ka ba utlwa botlhoko morafe o sena Kgosikgolo mme ba leka ka bojotlhe gore ba thape Kgosi e e tla a o emelang mo NYD le gone go o gakolola.
