Botswana o gatetse pele - QKJ

Masire o buile se kwa thuto-puisanyong kwa a neng a le sebui sa tlotla kwa go yone, kwa sekolong sa maranyane le boitsaanape (BIUST) kwa Palapye bosheng. Quett, jaaka balekane ba gagwe ba ne ba tle ba mmitse, a re mo dingwageng tse di masome matlhano tse di fetileng, Batswana ba ntse ba itsheegile ka letshego la popagano jaaka Motswana a re ‘motho ke motho ka ba bangwe’.

A re seo se ne se supiwa ka mowa wa therisanyo, go nna moono mongwe fela le neelano, e e renang mo pusong ya batho ka batho ya lefatshe leno. “Batswana ba tswa kgakala ba ikaegile ka mowa wa boipelego le boineelo. Ke ka jalo lefatshe leno le kgonneng go gatela pele mo go kanakana.” Masire a rialo.   O boletse gore le ntswa go santse gona le dikgwetlho, Batswana ba tshwanetse ba ipela thata mme ba nne le maitshwaro a a amogelesegang.