Botlhokwa jwa Eiye kana Anyense

Beke eno re itebagantse le onion, Eiye kana Anyense jaaka bangwe re bitsa segwere se, se eleng bontlhabongwe jwa merogo. Eiye ke losika lwa garlic. Fela jaaka garlic, onion ke segwere se senang le mosola mo dijong ka monko wa yone, o ebile o dirang gore fa re apeile dijo di rokotse mathe.

Ntle le go re tsena mo matlhong ga anyense, e botlhokwa mo mebeleng ya rona, ka jalo go botlhokwa gore dijo tsa rona tsa letsatsi le letsatsi di nne le anyense. Anyense e na le karolo e e botlhokwa ya sika la merogo e e bidiwang “Polyphenols”, ka sekgoa. Mme legale re tlaa itse gore go tewa motswako o o thusa ka botsogo jwa pelo. Anyense e thusa gape go fokotsa kanamo ya bolwetse jwa sukiri, malwetse a ditshika tsa pelo le mefuta mengwe ya dikankere.