Borukhutlhi mo Mahalapye ga bo maswe-Kgosi Tshiphe

E ne e re malobanyana fale fa o etetse mo motseng wa Mhalatswe, banni ba motse ba bo ba go tlhalosetsa gore o seka wa leka ditlhare bothito ka go tsamaya bosigo.Basimane ba ne ba ka go tsaya ba go thothora ba bo ba go tseela le borokgwe. Ne o ere fa ba kelemile sentle ba ne ba golola matoroko a diterena.

Fela dikgang tse ke tsone tse Tshipe a supang fa di ne tsa aga mo ditlhaloganyong tsa batho e bo ekete motse wa Mahalapye o santse o ntse jalo. Tshipe o tlhalosetsa Naledi gore motse wa Mahalapye mo nakong ya gompieno o na le borukutlhi fela jo bo tshwanang le ja metse e mengwe. O supa gore ebile ga go kake ga kuelwa jaaka ekete seemo se dule mo taolong. Tshipe a re seemo ga se maswe jaaka bangwe ba ka tswa ba akanya.