BCP e swanyegile molala � Kgathi

Kgathi o buile jaaana ka matlhatso kwa moletlong wa go kgobokanyetsa kgaolo ya Bobonong madi a go aga diofisi tsa kgaolo tse di tla akaretsang ditiro tsa phathi. Kgathi a re ntlhopheng wa BCP mo ditlhophong tse di fitileng, Taolo Lucas ga a kitla a kgona go gapa kgaolo e mo go ene ka a setse a sena maano ape a aka a dirisang go tlhakanyetsa batlhophi maikutlo.

Mopalamente Kgathi o boleletse batsena moletlo gore o ipotsa gore Lucas o tla dirisa maretshwa a fe go gapa maikutlo a batlhophi, ka a setse a kgonne go diragatsa bontsi jwa ditlhabololo tse e riling a nna Mopalamente tsa bo ele melala.  Kgathi yo gape eleng Tona ya Lephata la  Itshireletso,  Molao le Thokgamo, a re mo pusong ya boeteledipele jo bo motia jwa ga Tautona Khama le mothusi wa gagwe Mokgweetsi Masisi, lefatshe leno le sologelwa mosola ke lenaneo la go tsosolosa itsholelo la ESP.