Barotloetsi ba akola phokoletso lekgetho

Olopeng o tlhalositse se kwa palamenteng bosheng, a re le fa gontse jalo puso e tlaa tswelela ka go diga dipante ka tuelo lekgetho mo dikgwebong tsotlhe tse di thusang le go rotloetsa tsamaiso ya metshameko. Tona Olopeng a re phokoletso lekgetho e dirwa go ikaegilwe ka molao wa makgetho, wa kgaolo ya masome a matlhano le bongwe, kgaolwana ya bobedi.

Tona o tsweletse a re lefa puso e ka seka ya kgona go thusa metshameko ya ditlhopha tse dikgolwane ka tlhamalalo ka lebaka la letlhoko la madi, puso e thusa metshameko fela ka kakaretso ka letlole la ba Botswana National Sports Commission (BNSC). A re o amogela gore o itse ka letlhoko la barotloetsi la metshameko mengwe e megolwane.  Fela, a re ele puso ba tsweletse ka go tsenya lekgotla la Botswana Football Association (BFA) tlhware legonyana gore ba ipatlele barotloetsi. Olopeng o ne a solofetsa gore puso e tlaa tswelela ka go batla ditsela tse dingwe tse di tlaa ngokang barotloetsi.