Banana ba Catch Fire ba kgothaditswe go iperekela

Mokhanselara Sam Kelebale wa kgotla ya Parwe kwa Mahalapye West a re ga a itumedisiwe ke seemo se eleng gore banana bangwe ba dumela gore fa e le badiredi ba dikereke ga ba tlhoke go batla ditiro le go itshimololela dikgwebo. Kelebale o kgothaditse banana ba kereke ya Catch Fire International Ministries ka gore puso e na le mananeo a mantsi a ba ka a solang molemo go tokafatsa matshelo a bone.

O tsweletse ka gore ere ntswa gona le dithuso banana, bangwe ba maoto a tshupa go di tsaya mme morago ba supe bangwe ka monwana.