BAMB e tsaya taolo ya di LAC

Tibe o buile se kwa moletlong wa go ithola ditsamaiso tsa LAC (Livestock Advisory Centres) ke puso.  A re mo dingwageng tse di fetileng, go itshupile fa bajibareki ba kgatlhegela ditlamelo le dithoto tsa BAMB. Seemo se a reng se dirile gore ba felele ba fetola tebego ya lekalana la bone le go tlhabolola diofisi tsa makalana a lone.

Tibe o tsweletse a tlhalosa fa mo dingwageng tse di masome mane le bobedi (42) BAMB e ntse ele teng, go supagetse fa ele ruri tebego le seemo sa temothuo mo Botswana se fetogile. A re go tlhabololwa ga lekalana la Gaborone West go nna lengwe la marekisetso a BAMB ke sesupo sa kgolo e e tla dirang pharologanyo mo mohameng wa temothuo mo Botswana.