Badiragatsi ga ba ronwe ke kgololesego

Dr. Jankie o ne a bua se kwa thuto-dipuisanyong ya poko ee neng e tshwerwe ke ba Motlhaolosa Poetry Ensemble kwa Limkokwing ka Matlhatso. Jankie a re mangwe a mabaka aa dirang gore batho ba seka ba kgatlhegela poko le bodiragatsi thata, ke gore ditiro tsa badiragatsi ga di bue ka matshelo a bone. O tswelela ka gore badiragatsi ba tshwanetse ba ruta setshaba le go se buelelela mo dikgwetlhong tsa matshelo a bone.

Badiragatsi ba tshwanetse ba nna lentswe la ba ba senang lone, Jankie o ne a tlhalosa jalo. O tladitse ka gore batho ba ka nna le kgatlhego mo go tsa botaki le bodiragatsi fa ba utlwa badiragatsi ba bua ka dikgang tsa matshelo a bone.