Ba sologelwa mosola ke metshameko ya selegae � Tshireletso

Se e ne ele tlhaloso ka Mothusatona wa Dikgaolo le Tlhabololo Magae, Botlogile Tshireletso, mo boemong jwa ga Tona Thapelo Olopeng, kwa phuthegong ya Ntlo ya Dikgosi e e sa tswang go wela.

Kgosi Isaac Titus yo o itlhophetsweng wa motse wa Struizendam, o ne a boditse Tona Olopeng gore a gona le thulaganyo ya go fa ditlhopha tse di latlhegetsweng mo metshamekong le dikgaisanyo tsa malatsi a ga tautona madi a phimolo keledi. Titus o ne a tlatsa ka gore ke eng bogolo batsaakarolo ba sa thusiwe go duela ditshenyegelo tse ba kopaneng natso fa ba rulaganyetsa dikgaisanyo. Fela, Mothusatona Tshireletso o ne a tlhalosa fa ditlhopha tsotlhe le ba ba tsayang karolo ba akola dikgaisanyo ka ba bona dithuso tsa dijo, boroko le dipalamo go fitlha kwa dikgaisanyong. Tshireletso o ne a gatelela gape gore dipoelo mo dikgaisanyong tse gase madi fela.