Andante ke bafenyi ba dinnoto

Andante Chorus e fetogile bafenyi magareng ga dikhwaere tsa Gaborone Youth Singers, KTM le Serowe Symphony ka maemo a bobedi, boraro le bone ka tatelano. Andante e ne ya ikgapela P30,000.

Dikhwaere tse di ne tsa gaisanya ka dipina di le pedi, mme di simolola ka ditlhamo tsa batlhami ba kwa moseja. KTM e opedisiwa ke Luka Ditso, ya nna yone ya ntlha go simolola ka pina ya Gloria, yone ele ya kobamo, e tlhamilwe ke W.A. Mozart. Gaborone Youth Singers e opedisiwa ke Tshepiso Marumo ba opela Che sento, e le ya motshameko wa serala ka tlhamo ya ga G.A. Rossini.