A re tsamaeleng go lekgolo!

Se re solofela gore se se tlaa tswelela go ya dingwageng tse lekgolo tsa boipuso jo bo senang tshololo ya madi, le dintwa tsa semorafe.

Batho botlhe ba ba neng ba le mo Botswana, go tloga fela kwa bokone go ya borwa, kgotsa go tswa botlhaba go ya bophirima ba ka bolela gore ga gona moletlo ope o o kileng wa tshwarwa mo lefatsheng le, o o gaisitseng moletlo wa boipuso wa monongwaga. Botlhe ba bolela ka fa BOT50 e neng e le kwa mankalenkaleng ka teng. Monate ba bua fela ba sa tshabe sepe go supa gore puso e ba diretse gotlhe mo e ka go kgonang.