A re re sebaka

Re ne ra utlwa fa moletlo o o ne o rulagantswe ke ba bogosi jwa motse oo ba tshwaraganye le morafe.

Go utlwetse fa moono wa tiro e, e ne e le gore batho ba ikitsisanye ba bo ba bue ka ditso tsa motse wa bone. E rile go buiwa ka ditso, ga bolelwa fa batho ba Pole e le Badheti, ba tlholega kwa Boteti. Ga bolelwa fa bangwe ba batho ba e le ba ba mo metseng ya  Xhumo, Matopi, Rakops, Mopipi le e mengwe metse ya Boteti. Ba Pole bone ba bolelwa ba ne ba hudusiwa kwa Boteti ke dintwa le botshelo jo bo thata jwa go tlhoka ditiro. Ga twe e rile go tswa Boteti, ba tla ba tshabile, ba lelekilwe ke Matebele, ba thibelela ka nakwana kwa Mapoka.  Morago ba ne ba huduga mme ba ya go wela kwa Pole.