A re go ja eng? (7)

Ba bangwe, ka mabaka mangwe ba diege ba leme paka ya temo e setse e le gaufi le go wela kgotsa e wela. Bao go twe ba lemetse moragong. Ka ba lemetse moragong, mariga a tsene dijwalo tsa bone di ise di butswe sentle.

Fa e le mabele a bo a sa ntse a le metsi thata ka mmala a le matala a bo a tlhajwe ke phefo a le mmala oo. Motswana a re boremo jwa mogoma ga bo tlhobogwe a raya gore fa mogoma o fetileng teng go solofelwa go bona dijo.