Rra Gaone o dirile thata mo metshamekong

Tautona wa bobedi wa lefatshe la Botswana yo o sa tswang go tlogela lefatshe le le ka kwano,Sir Ketumile Masire e ne e le motshameki wa kgwele ya dinao yo o popota. Se se boletswe ke rre Dicks Gabanakgosi yo o gatelelang thata gore monna yo e ne e le motshameka morago wa popota.

Batswana   ba ba iseng ba ko ba bone tautona Masire a tshameka, ba ntse ba itse fela gore tautona wa pele Sir Seretse Khama ke ene a neng a itsege ka go tshameka kgwele ya dinao.