Go nwela gongwe le gongwe ke molato

Se se builwe ke mothusa mookamela lephata la kanamiso-mafoko la sepodise Rre Dipheko Motube, matlho-a-phage a lebane le lokwalodikgang lwa Naledi, bosheng.

Motube a re, se se diragala fela ntswa go supega sentle gore bontsi bo na le kitso ya gore go dira jalo ke molato. O tsweletse a gwetlha bangwe ba banwi ba bojalwa gore ba seka ba itebatsa gore mangwe a mafelo a rekisang bojalwa a bapile le mafelo a tshwana le dikolo le dikereke, mme go tshwanetse ga nowa ka boitshwaro jo bo letlelesegang.