Banners
Banners

Latest News

FRANCISTOWN: President Mokgweetsi Masisi has pledged to resolve land c...
Coca Cola Beverages Africa (CCBA) says it will invest P600 million ove...
FRANCISTOWN: A Zimbabwean man appeared in court today to face a count ...
FRANCISTOWN: Botswana Football Association (BFA) president Maclean Let...
Banners
Banners

A ditsela di tlhokomelwe

CORRESPONDENT
Go a tle go buiwe gore, fa lefatshe leno le tsaya boipuso, le ne le se na dipe ditlhabololo. E re go buiwa ka ditsela go twe, ka nako eo, go ne go se na ditsela dipe tsa sekonotere.

Go twe, mo go neng go le teng, e ne e le sebatanyana fela kwa Lobatse, sa sekgala sa khilomethara tse tlhano (5 km) go tswa kwa Kgotla kgolo ya Ditsheko, go ya kwa ga Molaodi.

Morago ga go tsaya boipuso, puso ya ema ka dinao go tlhabolola Botswana.  Ga agiwa dikole, dikokelo, le tsone ditsela tota.  Tse tsotlhe tsa tokafatsa botshelo jwa Motswana thata

Re tlaa dumalana gore, ditsela di teng, di agilwe. Mo mafelong a mantsi, ga re sa tlhole re tsamaya re raletse metlhaba le diretse, kgotsa re setswe morago ke dithole tsa ditsela tse di sa dilwang. Gompieno  mesepele e mentsi e khutshwafetse ka jaanong ditsela ke tsa sekonotere.

Le fa go ntse jalo, go na le selelo sa gore mono gae, ga re na ditsela. Tota kgang ga se gore ditsela ga di a agiwa. 

Ditsela di teng; kgang ke gore ga di tlhokomelwe. Bontsi jwa ditsela tse, di ditshesane, di dikhuti fa gare le mo dithoko. Mo go tse dingwe, ga go motlhofo gore, o le mokgweetsi, o bo o ntse o le mo lebogong

Banners
la gago, ka dikhuti tseo, di tlaa go kgarakgatsha.

Godimo ga moo, ditsela tsa rona ga di na matshwao sentle. Fa, re  bua ka meralo e mesweu e e dirwang fa gare ga tsela go supa legare la yone, le e e lephutshe,  e e mo dithoko, go supa fa tsela e felelang teng.

Meralo e, e a tle e dirwe, mme morago e sutlhege, go nne go setlha fela. Bosigo bakgweetsi bangwe ba tshware bothata ba sa bone tsela sentle.

E re pula e nele, go nne botlhoko thata. Dikhuti tsele di tlale metsi mme batho ba tsamaye ba tshabuela mo go one. Dikotsi di tswe gone fa. Go hema dilo tse tsotlhe ra re, a ditsela di tlhokomelwe, di atolosiwe. A di katelwe dikhuti, di rethefadiwe, matshwao a tsone a dirwe sentle a bonale.

A di tsenngwe dibonesanawa ( reflectors), e re bosigo, ba ba matlho a bokoa, ba kgone go bona tsela sentle go na le go e fopholetsa.  Fa go dirwa jalo, re tlaa  itumela, re galaletse puso, re bone gore e dira go bonala.



Naledi

Banners
Banners

Selefu

Another EVM for dustbin!

Latest Frontpages

Todays Paper Todays Paper Todays Paper Todays Paper Todays Paper Todays Paper
Banners