Domi e baba lebadi ka mogwanto wa UDC
Oageng Batenegi | Wednesday September 9, 2015 16:52
Ekete jaanong kgang e tla remelela thata mo go lweng ga diphathi tsa sepolotiki go na le go tla ka ditharobolo ka seemo se se sa jeseng diwelang sa tlhaelo ya metsi mo lefatsheng leno.
E rile maabane, mokwaledi-mogolo wa phathi ya BDP, Botsalo Ntuane a bolelela bobegadikgang matlho a phage gore ba UDC ba tshwanetse go ikopa maitshwarelo mo go bone ele BDP mabapi le mogwanto wa UDC le tlhaelo ya metsi le motlakase.
Ntuane o ne a simolola ka go supa bobegadikgang ka monwana a re bo paletswe ke go supa gore mogwanto o ga wa nna le madumo.Go ya ka Ntuane,mogwanto wa ba UDC ga wa tswa epe tema mo go thuseng go tla ka ditharabololo tsa seemo sa metsi le motlakase fa ese go roga tautona Khama le boeteledipele ja Domkrag.Ntuane a re go na le mafoko mangwe a ba UDC ba a dirisitseng mo mogwantong wa bone, a aneng a fatlha, a eleng gore go ya ka ene, o ne a solofetse gore bobegadikgang bo a senole ebile bo a kgale.
Ntuane o ne a tswelela ka gore mogwanto wa UDC o ne o sena matswelo ape fa ese go batla dintlha tsa sepolotiki ka seemo sa metsi le motlakase.Ntuane o ne a re o gwetlha bobegadikgang gore bo e go tsenya tlhware legonyana ba UDC gore ba ikope maitshwarelo mo go bone ele BDP.
Fela bobegadikgang bo ne jwa re bo gakgamadiwa ke mafoko a gore e nne bone barongwa ba BDP go gwetlha UDC go ba kopa maitshwarelo, fa ele gore go na le mangwe maitshwarelo mangwe tshwanetseng go kopiwa. Ba botsa Ntuane gore ele gore go palang gore bone ele Domkrag ba kwalele UDC. Potso e ne ya nna gore a BDP yone ga e bone go le matshwanedi gore e kope maitshwarelo mo Batswaneng ka seemo sa metsi le motlakase.
Fela Ntuane a araba ka gore mo letsatsing le UDC e neng e dirile mogwanto ka lone ,tautona o ne a lekodisa setshaba ka seemo sa metsi.
Mme fela a ganetsa gore e ne ele tsela ya go dira gore go bonagale ekete mogwanto wa UDC o ne o sena mosola.Go ya ka Ntuane, go diragetse fela gore tautona a buise setshaba ebile ele letsatsi le UDC le yone e tshwereng mogwanto ka kgang ya metsi le motlakase.
BDP e ne e biditse phuthego eo go lekodisa bobegadikgang tse di amanang le bokopano jwa khuduthamaga go tokafatsa phathi ya bone.Go ya ka Ntuane, ba tsere tshwetso ya go roma lekalana la bone la go ruta setshaba ka sepolotiki le ditlhopho go ya go sekaseka metlhale e ba ka itokafatsang ka yone ele BDP.
l Ntuane o supa bobegadikgang ka monwana
OAGENG BATENEGI
Fa motho a neng a tsere gore ke kgang e go fitlha ga jaana re ka reng e bepile, go lebega phathi ya Botswana Democratic Party(BDP) e santse e baba lebadi.Kgang e ya metsi le mogwanto ka diphathi tsa Umbrella for Democratic Change(UDC) go lebega e santse e tla kekela.
Ekete jaanong kgang e tla remelela thata mo go lweng ga diphathi tsa sepolotiki go na le go tla ka ditharobolo ka seemo se se sa jeseng diwelang sa tlhaelo ya metsi mo lefatsheng leno.
E rile maabane, mokwaledi-mogolo wa phathi ya BDP, Botsalo Ntuane a bolelela bobegadikgang matlho a phage gore ba UDC ba tshwanetse go ikopa maitshwarelo mo go bone ele BDP mabapi le mogwanto wa UDC le tlhaelo ya metsi le motlakase.
Ntuane o ne a simolola ka go supa bobegadikgang ka monwana a re bo paletswe ke go supa gore mogwanto o ga wa nna le madumo.Go ya ka Ntuane,mogwanto wa ba UDC ga wa tswa epe tema mo go thuseng go tla ka ditharabololo tsa seemo sa metsi le motlakase fa ese go roga tautona Khama le boeteledipele ja Domkrag.Ntuane a re go na le mafoko mangwe a ba UDC ba a dirisitseng mo mogwantong wa bone, a aneng a fatlha, a eleng gore go ya ka ene, o ne a solofetse gore bobegadikgang bo a senole ebile bo a kgale.
Ntuane o ne a tswelela ka gore mogwanto wa UDC o ne o sena matswelo ape fa ese go batla dintlha tsa sepolotiki ka seemo sa metsi le motlakase.Ntuane o ne a re o gwetlha bobegadikgang gore bo e go tsenya tlhware legonyana ba UDC gore ba ikope maitshwarelo mo go bone ele BDP.
Fela bobegadikgang bo ne jwa re bo gakgamadiwa ke mafoko a gore e nne bone barongwa ba BDP go gwetlha UDC go ba kopa maitshwarelo, fa ele gore go na le mangwe maitshwarelo mangwe tshwanetseng go kopiwa. Ba botsa Ntuane gore ele gore go palang gore bone ele Domkrag ba kwalele UDC. Potso e ne ya nna gore a BDP yone ga e bone go le matshwanedi gore e kope maitshwarelo mo Batswaneng ka seemo sa metsi le motlakase.
Fela Ntuane a araba ka gore mo letsatsing le UDC e neng e dirile mogwanto ka lone ,tautona o ne a lekodisa setshaba ka seemo sa metsi.
Mme fela a ganetsa gore e ne ele tsela ya go dira gore go bonagale ekete mogwanto wa UDC o ne o sena mosola.Go ya ka Ntuane, go diragetse fela gore tautona a buise setshaba ebile ele letsatsi le UDC le yone e tshwereng mogwanto ka kgang ya metsi le motlakase.
BDP e ne e biditse phuthego eo go lekodisa bobegadikgang tse di amanang le bokopano jwa khuduthamaga go tokafatsa phathi ya bone.Go ya ka Ntuane, ba tsere tshwetso ya go roma lekalana la bone la go ruta setshaba ka sepolotiki le ditlhopho go ya go sekaseka metlhale e ba ka itokafatsang ka yone ele BDP.