Go nwela gongwe le gongwe ke molato
Oageng Batenegi | Wednesday July 15, 2015 15:43
Se se builwe ke mothusa mookamela lephata la kanamiso-mafoko la sepodise Rre Dipheko Motube, matlho-a-phage a lebane le lokwalodikgang lwa Naledi, bosheng.
Motube a re, se se diragala fela ntswa go supega sentle gore bontsi bo na le kitso ya gore go dira jalo ke molato. O tsweletse a gwetlha bangwe ba banwi ba bojalwa gore ba seka ba itebatsa gore mangwe a mafelo a rekisang bojalwa a bapile le mafelo a tshwana le dikolo le dikereke, mme go tshwanetse ga nowa ka boitshwaro jo bo letlelesegang.
A re go le gantsi go supagetse fa bangwe ba sa nwele bojalwa mo marekisetsong a bojalwa mme e re fa ba sena go bo reka, ba gobea le mebila fa bangwe ba emisa dikolo tsa bone gongwe le gongwe mme ba tsose modumo fela o sa letlelesegeng. A re go ditiragalo dile mmalwa tsa bangwe ba gape ba tshamekisang dikoloi go itumedisa ditsala mme ba bake dikotsi.
Motube a re, bojalwa ga bo a tshwanela go lebatsa batho boikarabelo. A re motho o tshwanetse a ipotsa gore bana ba mo leba jang fela ba tswa sekolong ba mmona ele mogolo a thetheekela ka bojalwa mo mebileng, ebile le fa gongwe a bua le mafoko fela a a sa tlhapang.
Motube a re batho ba tshwanetse go lemoga botlhokwa jwa gore ba itlotle le fa ba amana le nnotagi, a tlatsa ka gore bangwe ba na le mokgwa wa gore fa ba nole, ba bo ba dira melato e mengwe e tshwana le go tsamaya ba tsenya batho ba bangwe dingalo, ba tlhokela batho botho le go sa itshware sentle fela mo setshabeng ka kakaretso. A re se gantsi se tsala tlhoko-kutlwisisano e felelang e tsetse dikgobalo le dipolaano.
Naledi e ne ya mmotsa gore a mme go reka bojalwa motho a bo a ya go nwela kwa gae le gone ke molato, mme Motube a araba ka gore ke mokgwa o o botoka, fela a kaya gore bothata jaanong e nna fa baagisanyi ba tsosediwa modumo.
A re batho ba tshwanetse ba nna le mowa wa boagisanyi o montle le go tlotlana.
Kgang e nngwe e Naledi e neng ya e lebisa Motube ke ya gore, bangwe ba ngongorega ka gore sepodise se goga maoto le go sa tlhwaafaleng dikereke tse di lalang di tsosa modumo masigo. Motube o ne a araba ka gore molao ke molao, go sa kgathalesege gore a o kereke kana morekisi kana monwi wa bojalwa.
Le fa go ntse jalo, Motube o ne a amogela gore fa e le gore Batswana ba ipelaetsa gore ga ba dire go lekane mo ntlheng eo, ele ba sepodise, batla ela seemo seo tlhoko.
“Motho fa a bonwe molato wa go nwela bojalwa mo mafelong a go sa letlelelweng go nwela teng, o ka atlholwa madi a sa feteng P5 000 kana kgolegelo e sa feteng dikgwedi tse thataro” go tlhalosa jalo Motube, a bolela gape gore, se se ka diragalela gape le morekisi o letlelelang bareki go nwa mo marekisetsong a go sa letlelelweng go nwa bojalwa mo go one.
Fa molato wa go tsenya batho ba bangwe dingalo gongwe le go ba gobatsa o ka tsenya motho mo kgolegelong sebaka se se sa feteng ngwaga. -family:'Times New Roman','serif';mso-fareast-font-family: 'Times New Roman';mso-ansi-language:EN-US;mso-fareast-language:EN-US; mso-bidi-language:AR-SA'>Eleng seo go neng ga nna le mogopolo wa re dikgosi ka bobedi di kopane go buisana ka kgang e pele.