Ntwakgolo ke ya molomo

Ba ne ba phutha mesobana ya bone go leba kwa motseng mogolo wa Gangwaketse, maikaelelo a bone ele go rerisa ntlokgolo ya bogosi jwa Bangwaketsi ka maikaelelo a bone a go apesa kgosi ya bone letlalo la nkwe.

O ke morafe wa Bahurutshe kwa Manyana, jaaka dipaakanyetso tsa bone tsa go keteka kapeso ya kgosi ya bone di ya motsubong.

Jaanong, go lebega go na le mosi wa dikgong tse di metsi mme o runya ntlheng ya Kanye. Ba bogosi koo, ba ipelaetsa ka gore ga go ise ko go diragale gore kgosi epe fela e apeswe letlao la nkwe mo mmung wa bone.

A ke mafoko a Bahurutshe baneng ba a aramela. Ya re go boeleng gae ga bone, ba seka ba tlhola ba leba kwa morago, ba tsweledisa dithulaganyo tsa bone.


Ditso di supa fa e rile ka 1952, Kgosi Mareko Mosielele a ne a apeswa nkwe mme go diragetse jalo ka nako ya mogolo Kgosi Bathoen a sale botshelong.

Potso ke gore, fa ele gore ka nako eo go ne go sena molato, jaanong go diragalang ka nako eno, fa ele gore Kgosi Kebinatshwene ene o ronwa ke tlotla eo.

Legale ka beng ba kgang ba santse ba ngunanguna, a re rapediseng gore e seka ya nna kgang e e ka kgobolang mabadi a a sabolong go omelela, ere kgabagare ga tsoga dikgotlhang tse di ka tsosang di letseng.

Re eletsa gore merafe e mebedi e ritibale dipelo mme e iphe nako ya go neelana megopolo ka go rarabolola dipharologano tsa bone.

Ntwa kgolo ke ya molomo.

Editor's Comment
Transparency Key In COVID-19 Fight

When the pandemic reached Botswana’s shores last year March, a nation united in the quest to defeat an invisible enemy. It is a moment never witnessed in recent memory, with the catastrophes of the world war and the 1918 Spanish influenza being the only other comparisons in living memory. Botswana, like the rest of the world, had to readjust its priorities and channel most, if not all, of its energies towards fighting COVID-19. It has not been...

Have a Story? Send Us a tip
arrow up