Basadi ba goroga ka Oodi United

Motshameko wa kgwele ya dinao ya basadi o ntse o golela pele, jaaka setlhopha se sesha sa liki ya basadi go tswa kwa motseng wa Oodi mo kgaolong ya Kgatleng se kwadisiwa le go simolola go tshameka mo liking ya bobedi ya kgaolo ya Borwa.

Setlhopha se se bidiwa Oodi United, mme sena le batshameki ba le mmalwa ba ba kileng ba tshameka thata mo ditlhopheng tsa liki e ya basadi tsa toropokgolo Gaborone, eleng seo motshameki wa pele wa setlhopha sa Real Touch, Mmapula Sekolo, a reng ba na le tsholofelo ya gore ba tla a dira sentle mo metshamekong ya liki.

Sekolo a re gone le fa setlhopha se se le sesha, ga go reye gore jaanong ke sone se yang go thusa ditlhopha tse dingwe ka dintlha le dinno tse dintsi.

A re ba tlhamile setlhopha se sa bone ka maikaelelo a go thusa basetsana ba metse ya Oodi, Matebele, Mokatse, Modipane le Dikwididi go tshameka motshameko wa kgwele ya dinao. O ne a bolelela Naledi gore tota go na le batshameki ba le bantsi thata ba basetsana ba ba tshamekileng kgwele ya dinao mo dikoleng, mme e re ba fetsa sekole ba tlhoke kwa ba tshamekang teng ka ntlha ya bokgakala jwa ditlhopha tse di kwa Gaborone.


 A re le bone ba ba neng ba kgona go ya Gaborone go tshamekela ditlhopha tse teng, ba ne ba felela mo sebakeng ka ntlha ya letlhoko la madi a sepalamo letsatsi le letsatsi.

Ka a kile a tshameka mo setlhopheng sa Gaborone, Sekolo a re le ene o ne a felela a patelesega go tlogela ka go ne go le kgakala, mme a sa kgone go goroga bosigo kwa lwapeng fa a tswa ikatisong ka malatsi a beke.

O ne a tswelela a bolela gore tota ba ikutlwa ba le motlotlo go bona le bone ba kgonne go kwadisa setlhopha sa basadi se a reng se arabile matshwenyego otlhe a bone, a rotloetsa basetsana botlhe ba ba nang le lorato la go tshameka kgwele ya dinao go ikgolaganya le bone.

Le fa a nankotse metse mengwe, Sekolo a re setlhopha se ga se tlhaole gore motho o tla a tswa kae, ka ba itse sentle fa gona le bangwe ba ba ka kgatlhegelang go tshameka mo go bone le ntswa ba tswa kwa dikgaolong di sele.

A re a ba tle fela ba phuthologile go tla go ikwadisa le setlhopha se gore ba thusane go se godisa, a tlatsa ka gore ka e le setlhopha se sesha o kopa thata bagwebi le mongwe le mongwe fela go ba tlhaga thuso ya madi gore maiteko a bone a seka a tloga a lelelwa ke dipoo.

Mabapi le tshameko ya setlhopha, Sekolo a re ba bona se simolotse sentle, ka ba ise ba latlhgelwe ke motshameko ka dinno tse di ntsi tse di ka ba tlhobosang, a re ba solofela fa e tla a re malatsinyana ba bo ba letsa moretlwa go utlwala mo ditlhopheng dingwe.

Editor's Comment
Escalating fuel prices cause panic

Nowadays it is not uncommon to purchase an item for a certain commodity and return to the shops in a week, to find the same item has gone up by a significant amount of money.Botswana Energy Regulatory Authority (BERA) last week announced yet another fuel price increase, which follows yet another increase that came into effect on March 29. Hardly two months later on May 12 boom, BERA announced yet another increase, which came into effect at a...

Have a Story? Send Us a tip
arrow up