A re go ja eng (13)?

Gompieno, go araba potso e,re re a nne a tle  le sone Setswana Motswana a se natetshe, a se bapise, mme a re go na le go ja motho ntsoma.

Ntsoma e le eng? Re botse Thanodi mme e re ntsoma ke tiro nngwe ya tsietso. Gape e fetele pele e re tsietso ke mokgwa wa go dira boferefere go sa lemogwe. Go ntse jalo, ke gone e tlaa reng fa ka mokgwa mongwe, tsela nngwe, motho a ka go direla boferefere, o sa lemoge, go sa lemogwe, go twe motho yoo o go jele ntsoma. Gone fa, e re a se tlhofofatsa Motswana a re motho yoo, o go tsieditse thata; mo go botlhoko.

Gone fa, a re tseye sekai re re, re kwa Khudiring naga, kana, thota jaaka Motswana a tle a bue, e  ntle thata ka e newa ke pula e bile e mmu o monate. Ka ke eo, ke naga e e monate, koo, bangwe ba a rua loruo lo ate, lo none, go nowe masi, go jewe madila nama le yone e ntse e le foo.  Ka fa, balemi le bone ba leme go jewe letlhafula. Morago go rojwe difalana le disigo di tlale go dike go ntse go jewa, tlala e sa bolelwe gope. E se go jela fela mo ganong mme gape go dirwa ditiro tse dingwe. O natefelelwe ke go letsa leino fela, o o ja o feletsa mo ganong, o dumela gore jwa pitse ke jo bo mo maleng. O tloge o tshele jang? Go nne thata. Jaanong, mongwe wa batho ba Khudiring ke mosimane ke yoo o bidiwa Sekhutlo. Leina le, e le seane se se reng Sekhutlo go bowa sa monwana sa pelo se eta le mong.  E re Motswana a  tlhalosa a re fa o ka supa motho ka monwana, le fa o ne o mo tenegetse thata, monwana oo, o tlaa boela kwa go wena kgang eo, e lebalwe. Mme, e re o tenegile jalo, o reye motho lengwe le le maswe, lefoko leo ga le ke le mo tlogele, ga a ke a le lebale. Le tlaa aga mo pelong ya gagwe. Go se ke go nne monate. Gongwe o botse gore ke eng e tlaa re diane dingwe di se mafoko a monate jaana, go rewe bana maina ka tsone? Karabo e re, seo e a bo e le go lemotsha, go ruta, Batswana ka dilo dingwe tsa botshelo. Nako nngwe go nne gone ba rutege. O tshabe go raya batho mafoko a e seng one ka a tlaa aga, a tlaa nna, mo dipelong tsa bone. Ga ba ke ba a lebale. Gape, motlha mongwe a ka lere ntwa mme go se ke go nne monate. Jalo he, a re ele tlhoko gore re buisa  ba bangwe jang re se dirise mafoko a a botlha a ba tlaa tshelang ba a tshotse, ba a tshwere, kana ba a hupile ka pelo.

Editor's Comment
Congratulations Anicia Gaothuse!

The contest had 10 beautiful young girls as finalists and unfortunately only one could wear the crown.The judges picked Anicia Gaothuse. To all those who feel their contestant should have won ahead of Anicia for whatever reason, hardly; the judges found Anicia to be the best among the best, so desist from disrespecting our newly crowned queen on social media or anywhere else, for that matter! Each of the 10 beautiful young women had supporters...

Have a Story? Send Us a tip
arrow up