Banners
Banners

Latest News

Pastor Gomolemo Kalayakgosi is a graphic illustrator/cartoonist devote...
The local dance group, Amakuvuki has raised Botswana’s flag up h...
The Cookout Africa 2021 edition continues to roll out virtually  ...
Legendary and key player of the classic era of rhumba in Botswana, Alf...
Banners
Banners

A re go ja eng? (12)

SEBOFO MOTSHWANE
Seane ke seo sa re, se  sa feleng se a tlhola se raya gore sengwe le sengwe se na le nako ya gore se fele, kana, se khutle. 

Jaanong le fa mosepele o wa go ja……o ntse o ya pele jaana, re dumela gore e tlaa tla nako ya gore o wele, kana, o khutle, o fele. Go nne jalo o wele. E le oo, o wetse le rona re bone go ikhutsa, boikhutso. Mme ka letsatsi leo, ke leo, ga le ise le goroge, re ntse re lekela pele. E lele foreselaga mme re re, e tlaa re Motswana a ntse, a natefisa Setswana a re go na le go ja tlala. Gongwe o botse gore e le eng go jewa tlala? Gape yone tlala eo, e jewa jang? Go go araba a re e le ka gore go a bo go se na dijo. Ke gore ka lebaka lengwe, kgotsa, mabaka mangwe, go se na sepe se se ka jewang. Gone fa, a re ntshe sekai re re, ke yoo Sehudula o dikile a lemile. Ke ao a mo rata mabele, ya a rwala tshimo ya gagwe. Go bona e a rwele jalo, a itumela thata a dumela gore o tlaa dika a tladitse difalana le disigo. A tloga a a bona kae? Gape, e le kae thaga? Ya tla ya re, ‘Nna ke thaga ke fano.’ Ya a a ja. Sehudula o kile a re o a kuakuetsa a leta, a e koba, ya pala nonyane ya re, ‘Nna ke thaga fano ga ke tswe, ke a ja. Eo kgang ya gore moletathaga o ja natso, fa di e ja ka fa, ene o ja ka kwa, ga ke mo go yone. Ke tswa ke jele, tema e bonala. Ga ke fofele lefela ke a ja ke a  tswa. Gore moletathaga le mong wa tshimo ba sala ba a ja eng, eo kgang ke ya bone.’ Ya bo e le fa e padile nonyane. Ga nna fela jalo. Ya tla nako ya go roba. A roba, a photha Sehudula mme a di bona kae difalana le disigo tse a neng a di solofetse? Boemong jwa tseo, a bona thobo fela e e seng ya sepe. E re a itekodisa ditsala a re o ne a lemile a re o a itemela nteko o lemela nonyane, o lemela thaga. Fa ba mmotsa gore o raya jang, a re o ne a tsoga moso le moso a ya tshimong a ya go leta mme thaga ke eo le yone ya lepalepana nae. A re e tsogele koo, e tlhole koo, e e ja mabele mo a neng a felela a itswela fela.  A fetele pele a re o bona fa go lema ga gagwe e ne e le matsapa a lefela fela ka ga go a mmusetsa sepe.

Jaanong ka letsatsi lengwe ke leo, Morogwana a tsena kwa ga Sehudula a mo jetse nala. Ke bao ba

Banners
tlhola mmogo e le ditlotlo fela go sa jewe sepe mme yo wa moeng ene a gabagabega a batla dijo. Fa e setse e kete o tlaa itlhoboga gore ga go ke go jewe sepe bana ke bao ba tla ka megotswana, megopo e mennye, mme ba mo naya wa gagwe.  A leba mme a bona mo teng e se dijo dipe tse dintsi tse a neng a di solofetse.

Go bona jalo, a hakgamala a re,’Ao mma a re tlaa re re a ja gone mo?’ Ka go bua tsala Sehudula a se ka a e tseela gope. Ke gore a se ka a tenwa ke mafoko ao.  Fela a araba ka gore mo ga gagwe go jewa tlala ka o dikile a jetswe ke dilo. A tswelela a re o ne a lema mabele nteko o lemela thaga. MMidi wa jewa ke sebokwana dinawa tsa jewa ke yone khukhwanyane ele, ene a sala fela. Gone fa, a tlatsa ka gore,’Jaanong jaaka o bona mma, mo ga me mo, re ja tlala. Letsatsi lengwe re tsoga fela. Le lengwe re tlhole fela mme le lengwe gape bana ba robale fela le fa e le go lalela ba sa lalela ka sepe.’ Tsala ya dumalana nae ya re, fa e le gore go ntse jalo, ga se seemo se se monate; ke gone go ja tlala tota. Sehudula a tlatsa tsala a re,’Go ntse jalo mma, ga ke tlhabe ape mainane.’ A tswelela a re e re a lelela gore dilo tsele di mo senyeditse, bangwe ba re a se lele ka le tsone ke dibopiwa tsa Modimo di tshwanetse go ja. Ba tlatse ka gore Morena o rile ga di leme mme di a ja; jalo he, re tshwana le tsone re se tshwenyege ka gore re tlaa ja eng. A re e re ba bua jalo, a se ke a nne le ape a dumele gore go ntse jalo ka ke leo, le ntse le a mo tlhabela le sejo sa letsatsi o a se bona. 

Jaanong ke yoo Sehudula o ja tlala ka o senyeditswe ke dinonyane a se ka a bona thobo e ntsi ele, e  a neng a e solofetse. Mme gape, o ka ja tlala e se gore ga go na dijo mo ga gagwe. E le eng? Dijo di le teng mme ka mabaka mangwe a sa kgone go apaya a ja jaaka go tshwanetse. E le sekai a re re, ke yoo o nosi mo lwapeng. Ka ga a tsoge sentle o a lwala, ga a kgone go ema a apaya. Le tswa fela le bo le tlhatloge a ise a je sepe. Go ntse jaana, o tlaa nne a re o ja tlala ka ga a di bone gope. (Poeletso)



Mmualebe

Banners
Banners ?>

Selefu

A hole in the economy

Latest Frontpages

Todays Paper Todays Paper Todays Paper Todays Paper Todays Paper Todays Paper
Banners
Adana Escort Adıyaman Escort Afyon Escort Ağrı Escort Aksaray Escort Amasya Escort Ankara Escort Antalya Escort Antep Escort Ardahan Escort Artvin Escort Aydın Escort Balıkesir Escort Bartın Escort Batman Escort Bayburt Escort Bilecik Escort Bingöl Escort Bitlis Escort Bolu Escort Burdur Escort Bursa Escort Çanakkale Escort Çankırı Escort Çorum Escort Denizli Escort Diyarbakır Escort Düzce Escort Edirne Escort Erzincan Escort Elazığ Escort Erzurum Escort Eskişehir Escort Giresun Escort Gümüşhane Escort Hakkari Escort Hatay Escort Iğdır Escort Isparta Escort İskenderun Escort İstanbul Escort İzmir Escort İzmit Escort Karabük Escort Karaman Escort Kars Escort Kastamonu Escort Kayseri Escort Kıbrıs Escort Kırıkkale Escort Kırklareli Escort Kırşehir Escort Kilis Escort Kocaeli Escort Konya Escort Kütahya Escort Malatya Escort Manisa Escort Maraş Escort Mardin Escort Mersin Escort Muğla Escort Muş Escort Nevşehir Escort Niğde Escort Ordu Escort Osmaniye Escort Rize Escort Sakarya Escort Samsun Escort Siirt Escort Sinop Escort Sivas Escort Şırnak Escort Tekirdağ Escort Tokat Escort Trabzon Escort Tunceli Escort Urfa Escort Uşak Escort Van Escort Yalova Escort Yozgat Escort Zonguldak Escort Alaçatı Escort Aliağa Escort Alsancak Escort Bornova Escort Buca Escort Çeşme Escort Çiğli Escort Gaziemir Escort Karşıyaka Escort fethiye escort iskenderun escort iskenderun escort iskenderun escort iskenderun escort iskenderun escort