Leo le raya se sele

E ne ya re fa re ntse re setse polelo ele ya phuthego ya kgotla kwa Oliphant’s Drift morago, re e tlhodumetse, ra utlwa gore, e rile a le koo, mopalamente wa Mochudi Botlhaba, Rre Mabuse Pule, a bolela fa Tautona a ne a ba roma, e le mapalamente, go tsamaya lefatshe leno lotlhe.

E re se loa Setswana se re, ba le  tsamaye, ba le ralale, ba le tsena ka fa, ba le tswa ka kwa, ba lebogela Batswana go bo ba ne ba tlhopha ka kagiso le thokgamo. Fa, ga bo go ne go buiwa ka ditlhopho tsa setshaba tsa ngwaga o o fetileng. Gape, Motswana a re, ke ngwaga o re neng re tswa mo go one. La bo le bolotse letsholo la diphuthego tsa mapalamente. Re setse re utlwile ka dingwe tse go neng go bolelwa fa di ne tsa tshwarwa ngwaga ono o simologa ka kgwedi ya Hirikgong.

Gompieno re kopana gape le polelo e nngwe ke eo, e supa fa e ne ya re go le  Labotlhano Hirikgong a le masome mabedi le bongwe, Dr Lemogang Kwape, mopalamente wa Kanye Borwa, e bile ka nako eo gape, e ne e le Tona ya Lephata la Botsogo le Boitekanelo, a tshwara, a buisa, diphuthego tsa kgotla kwa  Goora Sebego, le Goo Kgano, gone kwa Kanye. Eo, ya bo e le nako ya gore e fifing e lele. Mme selelo ya nna eng? Ga twe, morafe o ne wa supa fa o tshwenyega ka go tlhaela ga bodiredi le melemo ya balwetse ba madi a matona le ba sukiri kwa kokelwaeng ya Sebego. Go bonala fa se, e ne ya se ka ya nna kgang epe e e thata. Polelo e supa gore, gone foo, mopalamente a dumela gore mo dikokelong le dikokelwaneng dingwe, bodiredi le melemo di a tlhaela mme a kgothatsa badiredi ba Lephata la gagwe, ka nako eo, go lekodisa setshaba ka go tlhaela ga bodiredi le melemo ka tlotlo, lerato, le monyenyo. Motswana a re, ka mowa o montle, le difatlhogo tse ditlhapileng. Go bo go tshwanetse gore go dirwe jalo balwetse ba tle ba nametsege, ba sidilege ditlhabi ba se boele gae mewa e kotlometse ka ba ne ba sa tshwarwa sente.

Editor's Comment
Bulela Ditswe entry fee could hamper broke talent

The fees have been doubled from the previous amounts and raise concerns about political participation accessibility and democratic representation principles.This significant fee increase prompts questions regarding its impact on grassroots democracy.On one hand, the fees act as a filter, ensuring only serious contenders enter the race, potentially reducing frivolous candidacies and generating crucial campaign funds. The BDP argues that aspiring...

Have a Story? Send Us a tip
arrow up