Banners
Banners

Latest News

FRANCISTOWN: National standards body of Botswana, Botswana Bureau of S...
FRANCISTOWN: Botswana Mine Workers Union (BMWU) and Botswana Ash (Bota...
Three members of Central Executive Committee of Botswana Land Boards L...
PALAPYE: The Serowe Police Station commander has expressed concern ove...
Banners
Banners

Segwetshana se gata bohutsana

SEBOFO MOTSHWANE
Batswana ba dumela gore, loso ke selo se se maswe thata mo e leng gore, fa lo diragetse, go tshwanetse ga dirwa sengwe go lebatsa ba ba setseng, bohutsana jwa yo o ba tlogetseng. Tsela nngwe ya go dira jalo, ke go jesa bana segwetshana.

Potso e tlaa nna gore, segwetshana se ke eng. Segwetshana se, ke bogobe jo bo tsentsweng ditlhatshana (melemo) dingwe tsa Setswana

Bogobe jo, bo a apewa, bo butswe, le fa gone bo sa wele sentle. Fa bo se na go butswa, go bidiwe bana ba tle go ja. Ga e re go jewa, go tsholwe; go jelwa fela mo potwaneng e e neng e apeile. Bana ba ja ka go tlhomagana ga bone. Go ja yo motona pele mme a latelwe ke ba bannye, (bomonnawe) le bone ba ntse ba tla ka go tlhatlologana ga bone. Fa go na le wa mosimane, ene le fa a le monnye mo go ba basetsana, o ja pele. Ka ke monna, ga twe ke ene rraabo, o tshwanetse go ja pele ga basadi le bomonnawe.

Jaaka re setse re buile, bana ba botlhe ba a ja, ba jela mo potwaneng e e neng e apeile. Ga go na ope yo o jelang, kana yo o tsholelwang, go sele. Sengwe gape se se dirwang ke gore, motho fa a se na go tabola la ntlha, o tsenya mo ganong mme ga a metse; o hupa fela, a bo a bile a a kgwa jone

Banners
bogobe joo. Ga  twe go dira jaana, o kgwa  bohutsana  A se na go kgwa jalo, ke gone jaanong, a tlaa nnang a tabole, a tlhafune, a metse.  Selo se sengwe ka segwetshana ke gore, ga se jelwe go kgora. Ngwana o  tlopola, lopola fela, a tlogelele ba bangwe gore le bone ba nne ba tlopole. Godimo ga moo, bogobe jo, ga bo falwe/jewe bogogo; go jewa bone fela. Gape, fa  bo ka sala, jwa se ka jwa fela, ga bo jewe ke ope, bo a latlhiwa. E ne e le jwa bana bale fela .

Ka loso lwa Setswana lo phuthegelwa ke morafe, batho ba ba ntseng ba tla go tshedisa, ba a bo ba ntse ba le foo. Le fa bangwe ba ka tsaya gore segwetshana ke kalafi  ya Setswana, e tshwanetse go nna sephiri, ga go a nna  jalo. Segwetshana ga se fitlhiwe, se jelwa fela fa pele ga morafe o. Fa o botsa gore, se jelwa eng, ga twe, segwetshana se gata bohutsana, se lebatsa bana motsadi wa bone yo o ba tlogetseng. Ga twe fa ba sa se je, dipelo di tlaa nna di mo gopotse mme bana ba tshelele mo bohutsaneng.



Naledi

Banners
Banners

Selefu

BPF invade Kumakwane

Latest Frontpages

Todays Paper Todays Paper Todays Paper Todays Paper Todays Paper Todays Paper
Banners