Tiro e a wela

Re ne ra re, ka e rile ngwaga o o fetileng o wela, le ono o simologa, pula ya na thata go feta le jaaka re ne re solofetse, re ne ra isa pelo mafisa. Re ne ra solofela gore,  ka pula ke eo e nele, Batswana ba tlaa lema mme ba dike ba bonye thobo e ntsi thata kana ba fotse.

Re ne ra tswelela ra re, mme fa re ntse re lebile, ga re bone fa t hobo e re neng re e solofetse ele, e tlaa bonala ka jaana balemi ba ne ba kgorelediwa ke dilo dingwe. Ra re, la ntlha go ne ga senya yone pula, ya fetola masimo mangwe megobe le dinoka mme beng ba one ba se ka ba kgona go lema.