Mmegi Blogs :: Ka tsebe gone a reng? (3)
Banners
Banners
Banners
Banners
Last Updated
Friday 19 October 2018, 15:27 pm.
Banners
Ka tsebe gone a reng? (3)

Dijo di a tle di tsholwe di jewe. E re gongwe ka mogopo o tletse thata, di se ke di fele ka yone nako eo. Di sale mme e re le ka moso, kgotsa, le ka malatsi a mangwe, go nne go jewe fela. Jalo he, e tlaa re le gompieno re nne re boele mogopo ole wa rona wa manatetshapuo a lefoko ‘tsebe,’ ka re ntse re e ja mo go one, mme ga o ise o kgaritlhege.
By Sebofo Motshwane Fri 28 Sep 2018, 13:27 pm (GMT +2)
Mmegi Blogs :: Ka tsebe gone a reng? (3)








Downloads

Maloba re ne ra wetsa kgang ya rona ka go tlhalosa lefoko ‘go tsaya ka tsebe.’ Re ne ra re, papisapuo e, e  raya go reetsa, o bo o utlwa kana o tlhaloganya se se buiwang, mme go tswa foo, o bo o sa dire sepe, o sa tseye kgato epe ka sone. Go tlhalosa bapisapuo e, ra nna ra boelela kgang ele ya bogodu jwa loruo kwa Kang e le sekai.

Ra re, fa e le gore morafe o ne wa tlhama makgotlana a ntebela ke go lebele, go lwantsha bogodu joo, jaaka kgosi le mapodisi ba ne ba kgothatsa, Setswana se tlaa re, morafe o ne wa tlhwaela molaetsa wa mapodisi tsebe. 

Mme fa e le gore, go ne ga se ka ga dirwa jalo morago ga go utlwa mafoko a ga kgosi, go tlaa twe, morafe o ne wa tsaya fela ka tsebe. Ke gore, morafe wa reetsa, wa utlwa, mme wa se ka wa tsaya epe kgato ka mafoko ale.

Mme e re re tswela pele, re utlwe Motswana a re go na le go nna ka ditsebe. Le, lenatetshapuo le dirisiwa thata fa ngwana a ka bidiwa mme a se ka a araba ka pela. A re re, Segaolane, Mma Seleetswane, o bitsa Seleetswane. O a bitsa, o a bitsa, ga go na ope yo o arabang. O a tswelela, o tlhatlosa lentswe, o a bitsa, mme Slee o ntse ga a arabe. 

Go bona Slee a sa arabe, Mma Slee o ya ka kwa mahuri mme o mo fitlhela koo. Ka go fela pelo, a tenegile gore o ntse a bitsa mme Slee a sa arabe, Mma Slee a re, ‘Ngwana ke wena, a o nna ka ditsebe?’ Go bua jaana, Sega ga a botse gore, a Slee o ntse ka ditsebe jaaka go nnwa ka marago. O buisiwa jaana ke gore o tenegile; o biditse ka lobaka, a tlhatlositse lentswe, mme Slee a sa arabe. Slee ene o araba ka gore, o ne a sa utlwe ka o ne a sa ntse a thusa basimane. Kgang e a fela, Mma Slee o bolelela  Slee se a neng a se mmiletsa.

A nne a fetele pele Motswana a kgabise puo mme a re go na le go baya tsebe. Gone go raya eng? Go araba potso e, a re boele fa morago fale, re re, nako ele, re ne ra bona Bodikelo a tsena kwa ga Segaolane a latetse basimane. Fa a tsena koo, a fitlhela go tsogile modumo mme a sa utlwe gore tota go buiwa ka eng.

Re ne ra re, ka Bodikelo o ne a sa utlwe sentle gore go buiwa ka eng, a

Banners

atamela, a tlhwaya tsebe. Ra tlhalosa gore, go tlhwaya tsebe go raya gore, o ne a reetsa thata mme ke gone a utlwa gore basimane ba bua ka khudu, gore a khudu ke segagabi, sebatana, kgotsa phologolo.

Gone fa, boemong jwa go tlhwaya tsebe, Motswana o ka nna a re, Bodikelo o ne a isa tsebe, kana a baya tsebe, a ntse a raya gore o ne a reetsa.

Gape, nako ele re ne ra bona Bodikelo a kgaogana le basimane kgang ya bone e ise e wele; ba ise ba dumalane gore tota khudu ke eng. Fa a tswa ka kgoro, a ba raya a re ba tswelele le kgang mme kwa a leng teng, o tlaa bo a ntse a tlhwaile tsebe.

Re ne ra re, fa a re o tlaa bo a ntse a tlhwaile tsebe, Bodikelo o raya gore, o tlaa bo a ntse a reeditse, a letile go utlwa gore basimane ba feditse kgang ya bone jang; a ba dumalanye gore khudu ke eng, kgotsa, ba ntse ga ba dumalane.

Go sale foo, Bodikelo o ne a ka nna a re, kwa a leng teng, o tlaa bo a ntse a beile tsebe go utlwa gore kgang e wetse jang, a ntse a raya gore, o tlaa kadıköy escort leta go utlwa gore basimane ba feletse fa kae ka kgang ele;  a ba dumalanye kana ba kgaoganye fela go ntse go sa wela gore tota khudu ke eng.

A ntse a loisa Setswana, Motswana a re go na le go goga ka tsebe. A  re re, go na le maitiso golo gongwe. Pusetso o batla go ya  koo, mme a se nosi, a na le mosetsana mongwe. Ga ba a tlwaelana, fela ba a itsanye.

 Jaanong, Pusetso o ya kwa go Ponelo go mo kopa gore ba tsamaye mmogo, le fa a belaela gore, gongwe go tlaa feta go nna thata, Ponelo a gana go tsamaya nae.

Ga go nne jalo. Ponelo ga a supe ka tsela epe gore ga a batle go tsamaya le Pusetso. O a ipaakanya, o a fetsa, ba tswa ka kgoro ba a tsamaya.

Maitiso a feta a nna a a monate; ba boa koo botlhe ba itumetse thata. Ka Ponelo ga a supa ka tsela epe gore ga a batle go tsamaya le Pusetso, e ka re a bua ka tiragalo e, Pusetso a re, o fetile a goga fela ka tsebe, a sa reye a goga jaaka go gogwa podi; a raya gone gore, ga go a ka ga nna le sepe se se thata, Re jele go le kalo gompieno mme go ntse go setse.

Subscribe to our Newsletter
Banners
Banners
Banners


Global Politics
Fri 28 Sep 2018, 13:27 pm
Fri 28 Sep 2018, 13:27 pm
Fri 21 Sep 2018, 15:08 pm
Fri 14 Sep 2018, 13:25 pm
Fri 07 Sep 2018, 12:07 pm
Fri 31 Aug 2018, 13:10 pm
Fri 24 Aug 2018, 11:27 am
Fri 17 Aug 2018, 12:42 pm
Fri 10 Aug 2018, 12:43 pm
Fri 03 Aug 2018, 13:19 pm
Fri 27 Jul 2018, 13:47 pm
Fri 20 Jul 2018, 15:59 pm
Fri 06 Jul 2018, 14:07 pm
Fri 29 Jun 2018, 15:43 pm
Fri 15 Jun 2018, 12:36 pm
Fri 01 Jun 2018, 13:29 pm
Fri 25 May 2018, 14:10 pm
Fri 18 May 2018, 15:33 pm
Fri 11 May 2018, 15:00 pm
Fri 04 May 2018, 13:39 pm
Fri 27 Apr 2018, 13:39 pm
Fri 20 Apr 2018, 13:36 pm
Fri 13 Apr 2018, 13:09 pm
Fri 06 Apr 2018, 14:24 pm
Thu 29 Mar 2018, 14:59 pm
Banners
Banners
Subscribe to our Newsletter
have a story? Send us a Tip
Banners
  • Previous
    Next
    Masa Centre
    ::: Sunday 21 Oct - Sunday 21 Oct :::
  • Previous
    Next
    Riverwalk
    ::: Sunday 21 Oct - Sunday 21 Oct :::
  • Previous
    Next
    Gamecity
    ::: Sunday 21 Oct - Sunday 21 Oct :::
Selefu
BBC
Banners
Banners
istanbul escort