Mmegi Online :: Kgabo o atlanya Bakgatla
Banners
Banners
Banners
Banners
Last Updated
Tuesday 20 November 2018, 13:46 pm.
Banners
Kgabo o atlanya Bakgatla

Ka maikaelelo a gagwe a go tshwaraganya Bakgatla Ba-Ga- Kgafela ba mono Botswana le ba Moruleng kwa Aferika Borwa, Kgosikgolo Kgafela Kgafela II o laleditse Bakgatla Ba-A-Motshodi moletlo mogolo wa ngwao kwa Moruleng.
By Teichler Rankoa Wed 30 Aug 2017, 16:59 pm (GMT +2)
Mmegi Online :: Kgabo o atlanya Bakgatla








Magosi a morafe wa Bakgatla, ba eteletswe pele ke Mothusa Kgosikgolo Bana Sekai le Segale Linchwe a boleletse morafe mo phuthegong ya kgotla bosheng fa Kgosikgolo Kgafela II a epa pitso kwa Kgabutle.

Ba bolela fa moletlo o e le wa ngwao ya Sekgatla, o ka o ne Mokgatla a batlang go tshwaraganya merafe ya gagwe go tswa mo mafatsheng oo bobedi.

Mothusa Kgosikgolo o boletse gore Bakgatla ke morafe o o ratang le go tlotla ngwao ya o ne thata, mme ebile e le morafe yo o lesego thata ka le ene mong a one, eleng Kgafela II a e rata thata.

Sekai, o ne a gatelela thata a bolela fa bagologolo ba tswa kgakala ba tshegeditse ngwao ka ba itse fa e aga le gone go tshwaraganya morafe go nna seopo se le sengwe.

Kgosi Segale Linchwe o boletse gore tota Bakgatla ba tshwanetse go itse gore lefoko la kgosi le agelwa mosako, eleng seo go leng botlhokwa thata gore Mokgatla mongwe le mongwe a ititeye ka thupana go leba kwa Kgabutle.

A bolela fa loeto e le la kgwedi ya Lwetse e tlhola malatsi a le masome mabedi le boraro, mme mongwe le mongwe a lalediwa go tsaya karolo.

Gone kwa Kgabutle, go boletswe fa go tla a supiwa mefuta yotlhe ya ngwao ya Sekgatla, go tloga fela ka mephato ya banna le

Banners

basadi, poko, megolokwane le tsone dikopelo tsa Sekgatla tota. Go tlhalosiwa gore Kgosikgolo Kgafela o eletsa gape go supegetsa Bakgatla ba Moruleng ka fa ngwao ya Sekgatla e tshegeditsweng ka teng kwa Mochudi. 

Go ipaakanyetsa letsatsi le la Kgabutle, magosi a kopile ditlhopha tsotlhe tse di amegang go supa ngwao, go ikatisa ka tlhwaafalo, go rotloediwa le yone mephato go ikgata motlhala gore go bonale fa e le masole a morafe tota. Go ne ga gatelelwa thata gore botlhe ba ba eletsang go tsaya karolo mo tirongkgolo e, ba tshwanetse go itshupa ka go ikwadisa mo komiting e e tlhomilweng ko kgotlakgolo ya Bakgatla kwa Mochudi.

Bokgabo ba ile gape ba tiisiwa moko ka go bolelelwa fa tsotlhe di setse di baakantswe kwa Aferika Borwa, go akaretsa le jone boroko tota, se e le go leka go thusa gore ope a seka a sokola ka ntlha ya go tlhoka fa a latsang tlhogo teng.

Morafe o ne wa leboga magosi thata, ba re meletlo e tshwana le wa Kgabutle, e thusa gore ba kgone go kopana le Kgosikgolo ya bone, yo ba reng ba mo tlhwaafalela thata, gammogo le mohumagadi wa morafe Mma Matshego. Ba ne ba solofetsa gore ba tla a itlhokotsa thata gore ba seka ba tloga ba ya go supa sepe se se tla a tlhabisang Kgosikgolo ditlhong.

Subscribe to our Newsletter
Banners
Banners
Banners


Naledi
Wed 30 Aug 2017, 16:59 pm
Wed 30 Aug 2017, 16:53 pm
Wed 30 Aug 2017, 16:50 pm
Wed 30 Aug 2017, 16:49 pm
Thu 24 Aug 2017, 16:46 pm
Thu 24 Aug 2017, 16:45 pm
Thu 24 Aug 2017, 16:43 pm
Thu 24 Aug 2017, 16:42 pm
Wed 16 Aug 2017, 16:14 pm
Wed 16 Aug 2017, 16:13 pm
Wed 16 Aug 2017, 16:11 pm
Wed 16 Aug 2017, 16:10 pm
Wed 09 Aug 2017, 16:45 pm
Wed 09 Aug 2017, 16:43 pm
Wed 09 Aug 2017, 16:42 pm
Wed 02 Aug 2017, 16:33 pm
Wed 02 Aug 2017, 16:33 pm
Wed 02 Aug 2017, 16:31 pm
Wed 02 Aug 2017, 16:28 pm
Wed 26 Jul 2017, 12:10 pm
Wed 26 Jul 2017, 12:10 pm
Wed 26 Jul 2017, 12:08 pm
Wed 26 Jul 2017, 12:06 pm
Thu 20 Jul 2017, 16:53 pm
Thu 20 Jul 2017, 16:41 pm
Banners
Banners
Subscribe to our Newsletter
have a story? Send us a Tip
Banners
  • Previous
    Next
    Masa Centre
    ::: Wednesday 21 Nov - Wednesday 21 Nov :::
  • Previous
    Next
    Riverwalk
    ::: Wednesday 21 Nov - Wednesday 21 Nov :::
  • Previous
    Next
    Gamecity
    ::: Wednesday 21 Nov - Wednesday 21 Nov :::
Selefu
Judges
Banners
Banners
istanbul escort