Mmegi Online :: Mme Gaotime Pilane o re tlogetse
Banners
Banners
Banners
Banners
Last Updated
Friday 16 November 2018, 13:42 pm.
Banners
Mme Gaotime Pilane o re tlogetse

Mongwe wa bagolo ba Naledi e kileng ya kwala ka botshelo jwa bone, ke Mme Gaotime Kebao Pilane, yo gape a neng a bidiwa Mma Motswana. Gompieno Naledi e re lekodisa fa Mme Pilane a re tlogetse, e bo e re tlanyetsa gape ka botshelo jwa gagwe.
By Correspondent Wed 16 Aug 2017, 16:10 pm (GMT +2)
Mmegi Online :: Mme Gaotime Pilane o re tlogetse








Mma Motswana, yo mokwadi yono a neng a mmitsa nkuku, mme ene (moswi) a rata go bitsa mokwadi yo, mmangwane kana ngwana wa ga mmangwane, ka gone go ne go ntse jalo, o tlhokafetse Phukwi e le lesome le boraro (July 13 2017) mme a bolokwa e le masome mabedi le bobedi (July 22) kwa Molepolole. Nkuku o tlhokafala jaana morago ga go lwala ka lobakanyana. Tota ka dingwaga di setse di kgabagantse, mmele le one o setse o lapile, o ne a ntse a tsamaya ka bokoa.

Go bolelwa fa nkuku a tshotswe  ka 1915, motse o sale ka kwa Ntsweng. Fa a tlhokafala, o ne a setse a digetse dingwaga tse di lekgolo le bobedi (102).

E ne e le ngwana wa bobedi wa ga Samahika, morwadia Kgosiesele, kwa Goora Tshosa, le Setshegetso, morwa Mhiko, wa kgotla ya Difetlhamolelo, mo Molepolole.

A tsena sekole mme a felela fela ka lokwalo lwa borao (Standard 3) Ka 1934, Gaotime a nyalwa ke Segale Pilane kwa Mochudi. Ga twe ka nako eo, o ne a setse a ineetse mo kerekeng ya Lontone (LMS) mme nyalo ya mo hudusa koo, a ya Dutch Refomed church. Kwa morago, ene le Rre Pilane, ba hudugela Molepolole

Banners

mme ba feta ba boela mo LMS.

Fa go buiwa ka botshelo jwa gagwe, dibui tsotlhe di ne tsa bua thata ka lorato lwa gagwe, bonatla, le boineelo jwa gagwe. Go boletswe fa ene le Rre Pilane ba ne ba thusa thata mo go agiweng ga kereke ya Leologa/Shepherd Memorial Church. Ka kereke e, e agilwe fa go matlapa, ga twe Rre Pilane o ne a  tlhagafalela go thuba matlapa ao, fa nkuku ene a ne a feela mo kerekeng. Fa kereke e se na go agiwa, Rra Motswana a nna motlhokomedi wa yone, Mma Motswana ene a ruta Sekole sa Tshipi (Sunday School) le Baipoledi go fitlhelela a emisiwa ke bokoa.

Mafoko magolo a dibui ya nna gore, a bana botlhe ba gagwe, ba mo etse, ba ikanye Modimo, ba bo ba dire tsotlhe tse di molemo tse a neng a di dira.

Nkuku o tlogela ngwana wa mosadi a le mongwe, mogwe, dibetsi tse pedi, bana ba bana ba le bantsi. Ka letsatsi la bofelo re kgaogana nae, ga go keledi e neng ya rotha ka re dumela gore, o re godisitse, jaanong ke nako ya gore a ikhutse. A mowa wa gagwe o robale ka kagiso

Subscribe to our Newsletter
Banners
Banners
Banners


Naledi
Wed 16 Aug 2017, 16:14 pm
Wed 16 Aug 2017, 16:13 pm
Wed 16 Aug 2017, 16:11 pm
Wed 16 Aug 2017, 16:10 pm
Wed 09 Aug 2017, 16:45 pm
Wed 09 Aug 2017, 16:43 pm
Wed 09 Aug 2017, 16:42 pm
Wed 02 Aug 2017, 16:33 pm
Wed 02 Aug 2017, 16:33 pm
Wed 02 Aug 2017, 16:31 pm
Wed 02 Aug 2017, 16:28 pm
Wed 26 Jul 2017, 12:10 pm
Wed 26 Jul 2017, 12:10 pm
Wed 26 Jul 2017, 12:08 pm
Wed 26 Jul 2017, 12:06 pm
Thu 20 Jul 2017, 16:53 pm
Thu 20 Jul 2017, 16:41 pm
Thu 20 Jul 2017, 16:37 pm
Thu 20 Jul 2017, 16:36 pm
Wed 12 Jul 2017, 17:01 pm
Wed 12 Jul 2017, 16:58 pm
Wed 12 Jul 2017, 16:57 pm
Wed 12 Jul 2017, 16:56 pm
Wed 12 Jul 2017, 16:53 pm
Wed 12 Jul 2017, 16:52 pm
Banners
Banners
Subscribe to our Newsletter
have a story? Send us a Tip
Banners
  • Previous
    Next
    Masa Centre
    ::: Sunday 18 Nov - Sunday 18 Nov :::
  • Previous
    Next
    Riverwalk
    ::: Sunday 18 Nov - Sunday 18 Nov :::
  • Previous
    Next
    Gamecity
    ::: Sunday 18 Nov - Sunday 18 Nov :::
Selefu
Tla gae! Ke sharpo.
Banners
Banners
istanbul escort